من غير عنوان

قياسي

اسبوع من الغضب و الثورة التى للاسف لم اشارك فيها لانى بساطة لا امتلك قرارى و مش رئيسة جمهورية نفسى
ماااااااااااااااات من مات و احرق ما احرررررق و هتف من هتف
و تنازل من تنازل
و لكنى بصدق فى قمة التشوش و الحيرة
من يحب هذة البلد ومن يحب ان يمتلكها
اذا كان الرئيس الحالى فعلا يحبها فل ملماذا سمح بهدمها و ايراقة دم ابنائها
و اذا كانت جبهاتاه الشعبية و معارضيها هم من يحرصون عليها لماذا يصدرون شبابها الغاضب الثائر فى و جه المدافع و يغنمون هم فى النهاية بالغنائم
اللهم احمى هذا البلد و احمى شبابه الذى دائما ما يدفع الثمن
واذا قدرت ياربى لمصر بتغيير و حرية ورئيسا جديد قدر لىيا ربى بقدر من هذة الحرية و اجعلنى رئيسة جمهورية نفسى …………………….

ايه / 1/2/2011

 

دا كلام كتبتو ف اول الثورة وقت م كان النت فاصل وكنا بنعض ذى الهبل قدام التليفزيون

انا عاوزاكو تشيلو بقى كلمه الرئيس الحالى وتحطو النظام الحالى بالعسكر وبالقضاء الشامخ بالشرطه

الا هما ليه مش عاوزين مصر تنضف !!!

الحيرة اللى كنت فيها وقتها وانا مكنتش بفهم ف السياسه اتبددت بعدها بيومين لما نذلت فعلا المظاهرات

انا بس عاوزا اقول شوفو اسلوب الثورة كان كيوت اذاى

ودلوقتى بقى غااااااااضب اذاى

 

 

مش عشان مصر عظيمه

ولا عشان شعبها بيضحك ف وش السياح

ولا عشان الاهرمات وامانى بتاعت كتاب الانجليزى  احنا بنثور

 

انا من الاخر بثور عشان حقى

حقى انى يبقى عندى كرامه غيرى عاوز يعيش مذلول هو حر مش شغلى

 

حقى ان ثروة البلد اللى اتولدت فيها بغض النظر ايه هى يدونى نصيبى فيها بالعدل واللى يسترق يتحكم عليه بالعدل

 

حقى انى محدش يقتلنى

وحقى ان لو حد قتل حد يتحاكم عشان محدش شبهه يجى ف يوم ويقتلنى

 

حقى انى اعبد ربنا

ونا فعبادتى لربنا بنفذ سنن ربنا ف الارض مش صوم وصلاه وبس

وسنن ربنا ف الارض بتقول العدل بتقول الحق … ومحدش هيقدر يفاصلنى ف تطبيق السنن دى ولا يقولى استنى شويه ولا يقولى متعبديش ربنا

 

اسلوبنا الكيوت خلاص راااح .. محدش هيفاصلنا ف حقوقنا .. مش هنحط الخوافين والجبناه ف حسابتنا … الثورة دلوقتى بعدين هتحكم .. مش عشان حد .. عشان دا حققى

بس كدا

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s